كل يوم أكلة جديدة

تسلم ايدك
"تعرفى ان حاولت كام مرة اعملها بس كل مرة تبوظ منى بس انا هجرب طريقتك دى وهقولكبس ياريت تطلع حلوة معاية عشان اخواتى الشباب بيمسكونى تريقة لو الحاجة مطلعتش حلوة"
شكررررررررررررررررررررررررا

متخافيش ان شاء الله هتطلع حلوة وادعيلى بس لازم تشاركيا برضو بأى اكلة برضو انت وكل البنوتات اللى فى المنتدى

اية الحلوة دى يامنة الله اكبر عليكى بنت بيت بصحيح تسلم ايدك

تسلم ايدك يا منة بس انا مش هعترف بالوصفات دى الا لما تعزمينى عليها واجربها منك

الله طعمها حلو يا دكتور
هههههههههههههه
تسلم ايدك يا جميل
واهلا بيكى فى المنتدى

طيب يا بنات ان شاء الله يوم خطوبة منة هى هتعزمنا على الخطوبة وكل الاكلات دى

ايه يا بنات انتوا فيييييييييييييييييين ليه مش بتشاركوا معانا؟

بسم الله الرحمن الرحيم
*طريقة عمل الرقاق باللحمة المفرومة
المقادير:
1 - 12قطعة رقاق
2-1ك لحم احمر مفروم
3-2بصل مبشور
4-التوابل (ملح+فلفل اسمر)
5-1معلقة سمن
6-3معالق زيت
7-شوربة ساخنة"اى نوع شوربة"



الطريقة:
*نعمل اللحم المفرومة تتعصج وذالك ان نضع فى الاناء على النار سمن وزيت ونضع فيه البصل المبشور حتى يكون لونه اصفر دهبى وبعد ذالك نضف اليه اللحم ونضيف التوابل ونتركها تستوى لمدة ربع ساعة

*نجيب الصنية للى هنعمل فيها الرقاق وندهنها بالسمن

*ونسقى الرقاق بالشربة من غير ما يلين ونضع قطعة قطعة فى الصنية فوق بعضهمالى 6 طبقات فوق بعض وندهنهم بالسمن وبعد ذالك نضع عليهم اللحمة المفروم ونوزعها على الطبقات وبعدين نحط 6طبقات رقاق الباقيين على الوش وندهنه بالسمن ثم نضيف له كمية بسيطة جدا من الشربة وندخله فرن متوسط الحرارة


"يارب تعجبكم وتجربوها "
بالهنا والشفا

الله ينور عليكى يانووووووور تسلم ايدك ايون كدة اعملوا حاجة فى المنتدى عايزين ناكل ...............

والله عندك حق يا محمد عايزين ناكل شدوا حيلكم يا بنات وانا والله بموت فى الرقاق بس لو جربته عملى يا نور هرد عليكى احسن اوك

والله يا محمد انت ومحمد انا معنديش اعز منكم وانا عازماكم على كشرى

شكرا ليكم يارب تكون عجبتكم وما تعملها يا محمد اكيد لازم تعزمنا عليها
"انا اقول رقاق باللحمة المفرومة وانت تقولى كشرى يا ميار "
مش عارفة يا جماعة ميار بتعمل معاكم كده ليه اما لو منتش من بلد واحدة
هههههههههههههههههههههه

هههههههههههههههههههههه
لا لا لا لا لا ميار مش كده يا admin
يس انا عرفت هى ليه بتحقد عليكم "علموها السواقة وهى هتسبكم فى حالكم "

النهاردة هقول لكم طريقة عمل الكبدة البلدى
1-المقادير :
*1ك كبدة بلدى
*1|2 ك بصل مقطع قطع صغيرة
*1|2ك صماطم (تضرب فى الخلاط بس بسيط)
* 1|4 ك فلفل اخضر مقطع قطع صغيرة
* التوابل (فلفل اسمر +بهارات +شطة+ملح)
*2معلقة سمن +2معلقة زيت



2-الطريقة:
نحضر حلة ونضع فيها السمن والزيت ونضعها على النار ثم نضيف اليها البصل حتى يصح لونه اصفر ذهبى وبعدين نضيف الطماطم والفلفل الاخضر والتوابل حسب الرغبة ونتركها تتسبك ثم نضع فيها الكبدة بعد تقطيعها قطع متوسطة وغسلها جيدا ونتركها تستوى لمدة 1\2ساعة
"وتقدم ساخنة مع عيش بلدى "


يارب تعجبكم
وبالهنا والشفا

ع فكرة انا بحب الاكل التيكاى واى اووووووووى
وشكرا لانى بتعلم منكم الاكل بس احنا الاصل بردة الرجالة اجمد طباخيين فى البلد

تيك واى ايه بس انا كرهت الكلمة دى انا بعمل الاكل واخواتى الشباب يعندونى ويجيبوا اكل من برة والمشكلة ميكلوش من الاكل اللى بيجبوه وياكلو من اللى بعمله وانا اللى ادبس فى الاكل التانى

المهم نويين تعملوا وتجربوا ولا بنتعب نفسنا على الفاضى ومحدش ناوى يعمل حاجة
لو مش نويين تعملوا معتش هكتب حاجة

"بما انكم طباخين يا admin يا ريت تعلمنا حاجة نعملها يعنى تساهم معانه"

والله كويس انك بتعرف تعمل اكل يا ريت اخواتى يشوفوا اللام ده
بعديد عنك انا بنت لوحدى مع اربع اخوات مفيش واحد فيهم بيعرف يجيب لنفسه كوب ميه بس انا ممرمتاهم معايه مفيش مشوار انا بعمله واما بذاكر بشغلهم تحت ايدى الاكل يتشرا وياجيلى واما اكل يتشال ويعملولى الشاى كمان وكل شوية يعملولى حاجة سخنة بس لو مفيش مذاكرة يطلع عينى

هههههههههههههههههههههههههههههههههههه ربنا يعينك

ربنا يخليلك اخواتك بجد مهما كانوا تاعبينك انا كنت اتمنى يكون ليا اخ او اخت حتى لو هيعملوا معايا اى حاجة
بس ربنا عوضنى باصحاب اكتر من اخواتى ولا ايه يا محمد انت ومحمد شايفين انا بقول ايه عنكم طبعا مش عشان تعلمونى السواقة وتجيبولى الرخصة طبعا

والله لو قولتى ايه سيبك من اللى فى دماغك يا ميار

ايه دا ياميار انت مش اتفقنا اننا اصحاب وخوات ولا هترجعى فى كلامك

"بردة مقلتليش ايه رايك فى الكبدة ولا معجبتكي زى الرقاق"قولى متخفيش انا مش هزعل


بصى سيبك من محمد وانا ان شاء الله اما اتعلم السواقة هعلمك كمان سة ونص عما اخويا يبقى يعلمنى المرحلة التانية اصل هو قلى شوية حاجات فى العربية وركبهالى مرة ومش فاضى يكمل معاية هعمل ايه شباب اخر زمن لازم نتحملهم
د
بس تعرفى هنحتاج محمد بردة عشان الرخصة حاولى متزعلهوش عشان يساعدنا فى الرخصة

طريقة عمل المكرونة البشاميل
المقادير:
كيس مكرونه اقلام - نصف كيلو لحم معصج مع بصله صغيره وملعقة صلصه - كيلوونصف لبن 3ملاعق دقيق
3ملاعق سمن 2بيضه ملح فلفل بهار
الطريقه :
تسلق المكرونه فى ماء كثير مع وضع ملح وملعقه زيت مهما كانت المكرونه جيده لازم الزيت علشان متعجنش
بعد ما تستوى تصفى فى المصفى وتغسل بالماء البارد
نعمل البشاميل
نسخن السمن ويوضع فيه الدقيق ويحمر على شرط الا يتغير لونه يوضع اللبن ويقلب وطبعا نضبط الملح ونقلب الى ان تصبح كريميه الملمس اول ما يبرد نضع البيض والفلفل ونقلب
ندهن الصنيه بالسمن ونضع طبقه بشاميل ثم طبقه مكرونه ثم العصاج ثم باقى المكرونه ثم البشاميل
نضعها فى فرن متوسط الحراره وتترك الى ان تحمر وتنضج

يارب المكرونة تعجبكم