اتقوا.. الله . فى ..العزاء

انا هبدأ كلامى بمفهوم كلمه عزاء.. يعنى ايه عزاء:-

العزاء:-
هو الحمل على الصبر على الميت ..بذكر ما وعد الله تعالى من الثواب .. والدعاء للميت بالمغفره ..ولصاحب المصيبه بجبر مصيبته

والعزاء سنه:- ما من مسلم يعزى اخاه من مصيبه الا كساه الله من حلل الكرامه


**لكن للاسف اللى بيحصل غير كده خالص ..العكس تماما.. اللى بيخلينى اقول كده اللى شفتوا عندما ذهبت الى تعزيه صديقه الطفوله فى والديها
هحكلكو الحكايه:-


اولا:- اول لما رحتلها ما سمعتش صوت القران الكريم ذى ما متعوده اسمع فى اى عزا ..وده ليه لان الموجودين كان صوتهم اعلى من القران اللى شغال


بعد كده اعدت ادور على صاحبتى علشان اواسيها ..بدور لقيتها فى المضبخ بتعمل اكل ..فبدات اساعدها..وعايزه اقولكو ..اننا اعدنا طول اليوم فى المطبخ
بنجضر الاكل.. او شاى ..طبعا كل نصف ساعه تقريبا كنا بنعمل شاى او بنغسل الكوبيات
وطبعا الاكل ماكنش لصاحبتى واسرتها ..لانهم ما كنش عندهم نفس يأكلو او يشربو اى حاجه ...لكن الاكل ده كان للناس اللى المفروض انها جايه تعزى


انا حسيت وقتها انه مش عزا .. حسيت انهم جايين فرح او رحله

***واكتر كلمه بضايقنى لما تعزم عليهم بالاكل يقولو " هو ده وقت اكل ... هو حد ليه نفس ياكل" .. زبعد الكلمتين دول يقعدوا وبياكلو عادى.. بزمتكوا مش حاجه تضحك

ثانيا:- انا اللى اعرفه ان العزا بيتعمل علشان الناس ...تتعظ .. وتتذكر الموت .. وان الموت هو حقيقه هيمر عليها كل البشر

والمفروض كمان انهم يواسوا اهل المتوفى ويصبروهم ..لكن للاسف الشديد انا لقيت غير كده خالص ...

لاقيت ناس بتتكلم على بعض ..وبتنم على الاخرين فلانه سويت ..وفلان عمل ..طيب حتى سيبوا اهل المتوفى فى حاله وكفايه عليهم وجيعتهم .. لأ تيجى ازاى ..والله اهل المتوفى ما سلموش من لسانهم هما كمان ...
اتكلمو على بنتهم انهما يعينى لسه ماتجوزتش ..وكأنها انسانه مريضه


((ده كلام ينفع يتقال فى عزا او حتى فى قاعده عاديه .. ده فى الاول والاخر ..رزق من ربنا .. ولكن ده مش موضوعنا .. لانى هتكلم عن الموضوع ده يالتفصيل بعد كده))


** المهم تخيلو بقئ بعد ما وقفت صاحبتى طول النهار فى المطبخ بتعمل الاكل .. وكانت مرهقه جدا وتعبانه ..لانها منامتش بقالها يومين .. دخلت عليها واحده من المعزيين .. وتخيلو طلبت منها ايه..ياريت تحمرى الفراخ لاتى مش بحبها مسلوقه ..بالله عليكو تعمل ايه ..وعلى الرغم من كده صاحبتى ماتكلمتش ..وسمعت الكلام ..وعملت اللى الست طلبته


**************انا ليه حكيت الحكايه دى********************

يا جماعه انا عايزه نتقى الله فى بعض ..ونراعى الاوصول ..واداب الاسلام..ونحس باوجاع بعض.. يعنى ما ينفعش كده

ياريت لما نروح نعزى نتجنب الاتى :-

(1) مش لازم ناكل ونشرب

(2)ياريت ما نطولش فى القاعده لانهم بشر وعايزين يستريحوا

(3) لا داعى للبيات

(4) مراعاه اداب الحديث اثناء العزاء ..فلا داعى للنميمه

(5)الاستماع الى ايات القران الكريم وتدبرها

(6) ممكن كل واحد من الموجودين يقرأ جزء من القران الكريم

(7) اذا امكن احضار رجل دين ..ليلقى درس دينى على الموجودين..للموعظه

( ياريت نبطل كلمه البقيه فى حياتك.. لان البقاء لله وحده


(9) وطبعا الصويت واللطم حرام طبعا .. لان ده بيسبب فى تعزيب المتوفى


*اما بالنسبه الى :-

*****************ما يستحب فى العزاء***********************

((1)) يستحب ان يعم التعزيه اهل الميت.. صغيرهم وكبيرهم.. ذكرهم وانثاهم.. ولكن لا يعزى النساء .. الا.. النساء


((2)) يقال فى تعزيه المسلم:- اعظم الله اجرك واحسن عزائك وغفر لميتك ..او اخلف الله عليك

((3)) ويقال للمسلم فى الكافر :- اعظم الله اجرك وصبرك واخلف عليك ... ولا يقال غفر الله لميتك..لان الله لا يغفر الكفر


((4)) تكون التعزيه فى ثلاث ايام ... وبعد الثلاثه مكروه لانها بتسبب الحزن .. وقد جعل رسول الله "ص" نهايه الحزن ثلاثه

ففى الصحيحين :- " لا يحل لامرأه تؤمن بالله واليوم الاخر ان تحد على ميت فوق ثلاث ..الا على الزوج اربعه اشهر وعشرا

ويستثنى من ذلك ما اذا كان المعزى غائبا فأنها تمتد الى قدوم الغائب

يارب تكون الفكره وصلت
منقوووووووووول

عندك حق فعلا ياوردة المنتدى انا كنت فى عزاء عمى وكان اصحاب ابن عمى راجعين من المقابر بيقولوا مرة واحد كذا..............وبيقولوا نكت ويضحكوا بصوت عالى مبقاش فى احترام فى الواجب

اولا اسمحولي اتكلم
هو مفيش حاجه اسمها عزاء من حضر الدفنه فقد ادي واجب العزاء
اما بالنسبه لموضوع الصيوان والشيوخ فده بدعه
وكل بدعه ضلاله وكل ضلاله في النار
وبعدين الشباب عقلها باظ ميعرفوش يعني ايه واجب
وزيارة المقابر دي عظة للانسان مش عشان يروح يقرأ عدية يس علي قبر المتوفي
حياتنا كلها بدع في بدع
ربنا يهدينا الي الصراط المستقيم

بارك الله فيكم جميعا وشكرا على ردودكم

اولا بشكرك يا بشمهندس doni_samak على مشاركتك وبجد راى حضرتك يحترم وفعلا الكلام اللى حضرتك قلته صح
من ناحية الصيوان وهكذا
فعلا عندك حق الشباب عقلهم باظ ما يعرفوش واجب معناه ايه همهم فى كلام فارغ وبس
بس فيه شباب محترمة بمعنى الكلمة (بنات وولاد)
وبشكرك مرة تانبة
بس يا جماعة احنا دايما بنقترح المواضيع وبعدين نرد عليها اوك كله كلام جميل بس ليه ما نقدمشى حلول على هذه المواضيع لعلها تستفاد منها دا راييى وياريت نعمل بيها
انا هبدا بقصة عجبتنى وهى فعلا رد على هذا الموضوع ياريت تعجبكم

"" عندما اصبحت أمشى للعزاء لأنى فيما قبل ما كنت أمشى كنت صغيرة وبخاف طيب استغربت فى كل التفاصيل ذى الى احنا ذكرناها ففكرت ايه الى اقدر أغيرو لكن بدون جدوى أغير مين ولا مين فراودتنى فكرة صغيرة قلت فى نفسى لما أموت حيعملو كدة فكرت فى نفسى وححاول أربى أولادى والمقربين منى

فأصبحت أجمع سبح كثيرة فى صندوق وتكون هذه وصيتى عند موتى تخرج هذا الصندوق وتعطى كل معزى سبحة وتطلبو للميت الاستغفار مع ذكر بأنها وصية الميت لعلهم يخجلون 0هذه فكرة.
ياريت تعجبكم

اكيد كلام حضرتك صح بس ادينا بنعرض افكار
واكيد الشعب المصرى كده ما بيبطلشى نميمة وبالذات النساء وما بيبطلوش كلام وبالذات ى العزاء
بس طبعا احنا ندعيلهم بالهداية
شكرا

<br>