هي دي خيانة؟

الحكاية في ان كان في واحد بيحب واحدة بطريقة محدش يتخيلها وصلت لدرجة انه كان بيسرق من ابوه وامه عشان يجيبلها هدايا كان مستعد يضحي بأي حاجة عشانها وهي كانت بتقول كدة انها متقدرش تستغني عنه خالص وانها ممكن تنتحر لو اتخلي عنها في يوم من الايام وفعلا كل لما كان يتقدملها عريس كانت بترفضة عشانه لكن هو قالها انه مسافر بره يشتغل في دولة من دول الخليج وهايقعد سنين وبعدين يرجع يخطبها
هي طبعا رفضت قالتله اخطبني الاول وبعدين سافر انا خلاص خلصت الحجج اللي عندي ومش عارفه اعمل ايه المهم اتفقوا علي انه هايسافر سنة ويرجع يتقدملها وهي وافقت صاحبنا فعلا قعد سنة وازدادوا 4 شهور رجع لقاها اتخطبت لواحد تاني بقالها شهر تقريبا لما عرفت انه رجع وكان ناوي يتقدملها بجد حاولت تفسخ الخطوبة وفعلا فسختها.
وصاحبنا جه دوره عشان يتقدملها وفعلا راح بس اهلها رفضوه هي بعا عملت افلام ووافقوا في الاخر . بس المشكلة انهم وافقوا علي خطوبة 6 شهور بس وهو لازم يسافر علي الاقل سنتين عشان الشغل بتاعة قالهم هاسافر سنتين وارجع اتجوز علي طول موفقوش ساب الشغل بره واشتغل في مصر بس مكنش عارف يجهز نفسة لشبكة والكلام ده المهم لما انه مش هايعرف يتجوزها وفقد الامل راح هو بنفسه فسخ الخطوبة بعد شهرين لأنه مش عارف يعمل اي حاجة هنا ورجع تاني سافر وهي طبعا اتخطبت.


هو كده يبقي خاين ولا هو صح ؟

انا بقول ان دى مش خيانة لان اللى اهلها طلبينة فوق طاقته
"لا يكلف الله نفسا الا وسعه"
طيب انت تقول ايه فى واحد كان بيقول انه بيحب وحدة وهى بتحبه اوى وتصرفاتهم بتقول كده واللى حوليهم حسين انه بيموت فيها وبعدين اكتشفت انه بيحب وحده تانية وهى مجرد استبن لو التانية مش فاضية دى موجودة وفى الاخر يقول انا لاقى وحدة محسسانى بكل اللى محروم منه مع التانية اسبهاليه


تقبل مرورى واسفة لوكنت طولت عليكم

لا اكيد مش خاين
بالعكس هو كده عمل الصح
لانه هو ده الصح

(لا يكلف الله نفسا الا وسعها)
الاخ بتاع الاستبن دا مش كويس بالمرة ودا فعلا اللي يتقال عليه خاين

لا طبعا مش خانه ده دليل على حبه ليه بس الغلط جاى من الاهل وهيشوفوه نيجه اللى عملوه فى بنتهم بعدين
اما اللى نور بتقول عليه دى مش بيحب اصلا وكما تدين تدان ولو بعد حين

الموضوع سخن اوي والكل بيبدي برأية بمنتهي الصراحة
وده اجمل شيء
الصراحة
!!!