انستى العزيزه

آنستي العزيزة..

لو ربنا فك عقدتك.. و حد حبك ولا حتى بصلك و خرجتو .. فإليك نصائحي حتى

تأخذي حبيبك من مركب الخطوبة إلِّي محدش عارف

هاترسى على إيه.. إلى مثوااااه الأخير في قفص الزوجية السعيد..

أجمل ما في الحب العزومات الرومانسية.. صور تعالو يا بنات اتعلمو

الاكلل ازاى و انتى مع حبيبك في أحلى محلات أكل ف البلد..

واللي عمرك مانتي شايفاها بعد الجواز..

المهم نصيحتى ليكى عند أي عزومة مع حبيبك

1. الأول لازم تعرفي إن الشوكة والسكينة بيتمسكوا
من إيديهم من الطرف يعني مش م الوسط
ولا من البوز زي الخنجر ولا من فوق طبعًااا

2. العيش أوعي تفضحينا وتقطعيه بسنانك..
ولا الرغيف نصين بأيدك وكل نص الرغيف لقمة وتحشري..
أوعي.. العيش بيتقطع بالسكينة ف الطبق.. وبعدين تاخدي
لقمة.. لقمة.. بالعافية.. قال يعني نفسك مسدودة..
اضغطي على أعصابك جدااا وبعدين لما تروَّحي..
أبقى أضربى بقى براحتك

3. الشوووربة.. أبوس كعب رجلك.. بند الشوربة ده
مهم جدًاااا.. الشوربة تتشرب من غير صوت خالص..
ومن غير ماتقعدي تنفخي فيها..زي القهوجي
اللي بينفخ ف الحجر للزبون..
وطبعًاااااا عايزك تنسى تمامًا.. السلطانية اللي بتقيميها
على بقك ف البيت.. وتدلدقي على نفسك
بالمعلقه وبدون صوت.. سخنة ولعة برضه بدون صوت..
وتسيبي تلت الطبق ع الأقل.. مش تميليه.. عشان
تلهطيها لآخر نقطة.....

4. الرز طبعاً .. بيتاكل بالشوكة..أوعي إيدك
تتمد ع المعلقة.. وتغرفي من طبق الرز وتعبي.. إوعي..
الرز بالشوكة.. وكأنك بتبوسيه مش بتاكليه..

5. المكرونة.. الاسباكتي.. برضه بالشوكة.. تتلف على
طرف الشوكة.. لحد ما تخلص وبعدين تحطيها ف بؤك
من سكات.. مش تشفطي المكرونة عود عود..

6. السمك.. مشكلة.. شوفي..بتفصلي اللحم
عن الشوك.. إزاي..؟؟
تقطعي اللحم من النص.. بالطول وبعدين تفردي اللحم
ع الجانبين ولما تخلصي ناحية..متقلبيش السمكة..
.. شيلي السلسلة بالشوكة والسكينة وحطيها
ف جنب الطبق وكملي أكل النص التاني.. وبدل الفيلم الهندي ده.. نصيحة..
ماتكليش السمك خالص..
قولي مابحبش السمك وخلصي نفسك..

7. الجمبري.. -إذا كنتي عارفاه-.. أول ماطبق
الجمبري ينزل.. بصيله بقرف واحتقار شديد
آل يعني زهقانة من كتر أكل الجمبري الجامبو فى بيت ببااااا.. وأتنهدي جامد
وقولي.. برضه..؟؟؟
وتروحي قاطعة راس الجمبرياية.. بالشوكة..
أنا ف عرضك إنسي المصمصة دلوقت....

8. البطاطس سواءمسلوقة أو محمرة.. أوعي تهرسيها
وتدبيها ع الرز وتدي ...لا..لآ...لآ...بالشوكة حتة حتة
وإنت زي ما تكوني هاتعيطي من كتر ما البطاطس
صعبانة عليكي..

9. الفاكهة.. لو الفاكهة فيها بذر.. طلعيه من بؤك
بالراحة وحطيه فى إيدك وهي مقفولة..وبعدين فى طفاية السجاير اللي على الترابيزه..

أوعي ياحبيبتي من النظام التانى ده أنسيه....تف....تف....تف

10.ولما تخلصي أكل تحطي إيدك على بطنك..
-اللي عصافيرها بتصوصو من العينات اللي كلتيها-..

وتقولي له مش ممكن.. أنا عمري ما اتفجعت كدة..
أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة

من غير لازمة.. وتبوسيها.. آل يعني بتمسحي بؤك..

وبعدين تستأذني منه لدخول التوليت لإصلاح ماكياجك..
وتخشي التواليت وتطلعي من شنطة إيديك.. لفة الفول
والطعمية اللي جايباها معاكي..
وبالهنا والشفااااااااااااا

ههههههههههههههههههههههههههههههههههههههههههه جامد موضوع مضحك جدا شكرا

يا ريت تعملوا بس بالنصايح
وشكرا

ههههههههههههههههه شكرا على الموضوع