عودة كرسى الاعتراف

ازيك يا امير واهلا بيك فى المنتدى ويا ريت دايما نشوف مشاركاتك كده على طول

بالنسبه للانطوائيه والانعزال عن الاخرين بصوره غير عاديه طبعا دى حاجه مش حلوه

لان الانسان بطبيعته اجتماعى يعنى يحب دايما يتعرف على الناس ويعمل علاقاته معاهم

يعنى انا شخصيا ما احبش انى اكون انطوائى بل بالعكس

ولكن فيه مواقف معينه بتستوجب منك قله الكلام مثلا او ان فيه شخص او اشخاص تكون واخد معاهم موقف فدى حاجه تانيه

ولكن ان الانسان يكون كده بطبيعته انطوائى طبعا دى حاجه مش مقبوله خالص حتى الناس ميقدروش يفهموه

احسن واحد احب انزل الكليه علشانه؟
بصراحه انا لو عديت الناس يبقى هتكلم كتير لان طبعا معظم الناس معانا تمام وبنحب بعض جدا جدا وخاصه شله معينه كده فى المدينه
فانا بصراحه مينفعش اقول حد وانسى حد

ليه حبيت اقدم ف المنوفيه لانها كانت اول سنه يكون فيه هندسه زراعيه ف المنوفيه
وكمان قريبه الى حد ما منى والدراسه فيها كنت اسمع انها سهله بالنسبه لجامعات تانيه

ايه رايك ف شباب المنوفيه؟

والله طالما انت راجل مع الناس وكويس اكيد هم كمان لازم يكونو رجاله معاك حتى لو يكون اى حاجه تانيه معروف بيها مش ممكن هيعملها معاك وطبعا عادى زي اى مكان ف الدنيا فيه الكويس وفيه الوحش
ومن حبنا حبيناه وصار متاعنا متاعه ومن كرهنا كرهناه يحرم علينا اجتماعه ويتحمل اللى يجراله

واحسن منوفى قابلته فى حياتى طبعا برده اخاف انسى اذكر حد يكون ليه معزه فى قلبى لكن فيه كتير

شكرا ليك يا امير على المشاركه

اهلا وسهلا فيك يا ماهر برحب بيك واسئلتك خفيفه يا عم وحتى لو تقيله ولا يهمك

وابدا بالرد على اسالتك وطبعا وصفى للكليه هى طبعا عادى جدا زى اى كليه

ولكن طبعا مع فروق كتير اولها اننا عددنا صغير وقريبين من بعض اكتر من كليات تانيه مع ان فيه حاجات غريبه كده احيانا بتحصل بس عادى يعنى ايام وبتعدى

اكتر موقف فرحنى دى طبعا انا مش فاكر اوى بس فيه مواقف فرح كتير الحمد لله لانى بطبيعتى مش بحب الزعل
زى مثلا لما طلعت التانى فى الاعداديه على بلدنا
وطبعا انى اشوف صحابى دايما مع بعض وبنحب بعض ونخاف على بعض سواء ف الكليه او ف البلد اكيد طبعا دى تخلى الانسان مبسوط على طول
اكتر موقف يزعلنى انى اشوف راجل بيبكى وكمان لو اتخدعت فى انسان يعنى لو فهمته واتعاملت معاه بطريقه معينه واكتشف انى مفهمتوش كويس لان الحكايه دى تقريبا مبتحصلش معايا لكن لما بتحصل بكون زعلان من نفسى
وطبعا الخيانه واى حاجه تمس الكرامه

انا مع المقوله اللى تقول الراجل موقف ولكن احيانا انت تتصرف تصرف معين ويكون مش هو الحكم على شخصيتك الحقيقيه
لان فيه طبعا حاجات بنعملها ومحدش يكون عارف ايه الدافع لكده
ولكن الانسان الذكى هو اللى يقدر يفرق بين كل ده ومش بالسهوله كده انه يختار اصحابه ويحكم عليهم
يا اللى غويت الاصاله خد الاصيل صاحب
يصون عيشك وملحك ويحافظ على الصاحب
مش كل واحد ضحكلك قوام تعمله صاحب

سؤالك هل انا بعترف بالحب
طبعا ومين ميعترفش بالحب ولكن احنا اللى فاهمين الموضوع غلط
لان كل مرحله معينه من عمر الانسان بيكون فيها قرارات وتصرفات مختلفه عن مراحل تانيه وطبعا انت فاهمنى
وطبعا زى ما كلنا عارفين ان فيه فرق بين حب الصديق وعشق الحبيب ولكن
الحب الخالى من الشهوات اقوى من الحديد واصلب من الفولاذ

لو شفت موقف غلط ومش قادر تصلحه؟
طبعا يعنى الحمد لله بنقدر نصلح حاجات كتير ولكن لو فعلا يعنى خلاص مش قادر زى ما انت بتقول اعمل اللى عليا وفوق كل ذى علم عليم
وفيه حديث شريف فيما معناه ان
من راى منكم منكرا فليغيره بيده فان لم يستطع فبلسانه فان لم يستطع فبقلبه وهذا اضعف الايمان

اكثر امنيه تتمنى تحققها؟
والله بالنسبه للسؤال دا فهو متغير تبع المرحله اللى انا فيها يعنى قبل كده كنا بنحلم ندخل كليه كويسه
دلوقتى طبعا بتمنى ان ربنا يوفقنى ف الكليه ونخرج منها على خير وبعد كده ان شاء الله نتمنى تبقى وظيفه كويسه ان لم يكن فالسفر مضمون ومستنى يعنى دى اسهل حاجه فى العيله عندنا الحمد لله

تحياتى ليك يا ماهر ولكل العضاء

يا هلا يا هلا بيك يا حوده ولا يهمك من التاخير
ابدا الاول باسالتك اللايت زى ما بتقول
تتوقع مباراه مصر وانجلترا تخلص كام؟
الحقيقه انا بكتب دلوقتى لسه المباراه منتهيه من شويه بس الحمد لله عملنا اللى علينا دى بردو انجلترا هى المباراه كانت ماشيه حسب التوقعات ويمكن افضل كمان لكن الشوط التانى اللياقه فرقت كتير
ليك ف الكوره وبتشجع فريق ايه؟
ايوه اكيد طبعا ليا فى الكوره انا اهلاوى بن اهلاوى بن اهلاوى
يعنى تقريبا العائله من اولها لاخرها والكبار والصغيرين اهلاويه ومتعصبين جدا جدا كمان للاهلى
هل انت راضى عن نفسك؟
والله انا شايف ان طالما الانسان شايف ان فيه حاجات كتيره غلط فى حياته فدى بتدفعه لانه يحسن من نفسه
وطبعا انا فيه حاجات كتيره بتحصل بكون راضى عنها لكن فيه حاجات تانيه بحاول انى اصلح من نفسى فيها
فعذرى انى بشر والكمال لله وحده

لاى مدى تتذكر الله؟
طبعا الحمد لله لازم الواحد دايما يكون قريب من ربنا ويكون دائم الذكر والاستغفار لله
(الا بذكر الله تطمئن القلوب)
ياااااااااااااااااااااااااااارب
مالى سواك اليه ارفع طاعتى فالله يرحم من اليه انابا
متاسيا بالهاشمى محمد خير البريه مله وكتابا
فوق البساط دنا ونودى باسمه دس يا محمد
لا تخف ارعابا انت الحبيب ومن يطعك اطاعنى
يا اكرم الخلق الجميع خطابا

لو بتقيم نفسك ف الصلاه تعطى نفسك كم؟
انا الحمد لله محافظ على الصلاه الحمد لله ودى طبعا علاقه بين الانسان وربه واللى محدش يعرف اللى داخل كل واحد ايه
وانا الحمد لله مداوم على الصلاه باستمرار يعنى مش مثلا ايام الامتحانات بس زى ناس كتير اعرفهم كده والمفروض ان الصلاه تكون باستمرار مش علشان حاجه
صلى وصام لامر كان يطلبه فلما قضى الامر لا صلى ولا صام
فطبعا اتمنى ان ربنا يهدينا جميعا ونداوم على الصلاه اهم حاجه

القران كم تحفظ وكم تتلو؟
والله انا كنت حافظ تفريبا 12 جزء لكن علشان قله المتابعه بدات انسى لكنى الحمد لله اتلو كويس واعرف كمان اقرا بالتجويد وبصوت كويس الحمد لله

اكثر ايه قراتها واثرت فيك؟
والله يعنى القران اللى يقراه كويس وبدقه يلاقى فيه عبر كتيره جدا وفيه طبعا ايات كتيره بتاثر فيا زى مثل
بسم الله ارحمن الرحيما
(ان الله عنده علم الساعه وينزل الغيث ويعلم ما فى الارحام وما تدرى نفس ماذا تكسب غدا وما تدرى نفس باى ارض تموت
صدق الله العظيم
بسم الله الرحمن الرحيم
ومن اعرض عن ذكرى فان له معيشه ضنكا ونحشره يوم القيامه اعمى قال رب لم حشرتنى اعمى وقد كنت بصيرا قال كذلك اتتك اياتنا فنسيتها وكذلك اليوم تنسى
صدق الله العظيم

هل تمنيت يوما ان تقف الحياه؟
لا طبعا لان مش انا اللى هغير فى نظام الحياه ولكن بنحاول على قد منقدر نتعلم الدنيا ماشيه ازاى ومهما الواحد وصل لحاجات كتيره اكيد لسه فيه حاجات كتيره كمان ميعرفهاش وخبرات كتيره ما استفادهاش وزى مبيقولو يعيش المعلم وهو لسه بيتعلم لكن المشكله اننا دايما بنجيب الغلط على الحياه وعلى الزمن مش عارف ليه
نعيب زماننا والعيب فينا وما لزماننا عيب سوانا
لو الايام ترجع بيك اى المواقف تتمنى ترجع وكنت هتعمل ايه؟
هو كان موقف كده مشكله لواحد صاحبى وانا اتدخلت والموضوع كبر زياده عن المتوقع واتمنى انى كنت حليتها بهدوء افضل لكن عادى بقى مش مشكله مبحبش اندم على حاجه عملتها
انطباعك عن الاسئله؟
طبعا بحييك يا حوده على اسئلتك وانا احييك كمان على مشاركاتك الجميله دايما
ويا رب دايما نكون عند حسن ظنكم
اللى معاه ربنا ما يهموش مخاليق يلاقى اليسر فى العسر والفرج بعد الضيق
وان مشى يوم لوحده يلاقى نور النبى رفيق

دبوره

No
words spoken, but the picture can express
7ouda

شكرا ليكى يا اميره القلوب على مشاركتك الجميله وده طبعا شئ يسعدنى ويشرفنى ان اجاباتى تكون عجبتك




وطبعا انا شايف انى تقريبا خلصت كده الاجابه على كل الاسئله اللى اتسالت
وانا بوجه تحياتى لكل الاعضاء اللى معانا فى المنتدى اللى سالونى واللى مسالونيش
واتمنى طبعا ان المنتدى يفضل دايما فى تطور لان دى حاجه كويسه لينا


ودلوقتى وقت العضو اللى انا اخترته يكون بعدى على الكرسى







وهو العضو النشيط جدا فى المنتدى وبحييه على مشاركاته الجميله














العضو


mahmoud mosad

بجد مش هقول اسئله صعبه
لان كلمه صعبه لا توصفها
لانك قرب صاحب لبا فأنته فاهمنى اوى
وعارف ازاى تحط أسئله مش وقتها وازاى
بتوقفنى بيها
بجد انا بحتار أكتب ايه لكل سؤال
ولكن بسم الله نبدأ


1-
معاك ورده تحب تهديها هتهديها لمين؟
أهديها لواحد خاف عليا
اتمنى ليا الخير
كان أكتر من صاحب وأخ
وأكيد هوه عارف نفسه لانه هو الشخص المقصود بالكلام
بس بصراحه سؤال صعب جدا لانى بأنكر فضل ناس كتير عليا
***مش المقصود أهلى فقط***
:،"بس

جامده ماتقوليش لامى تبقى اختى "،:


2-لو
في يوم جتلك رسالة من رقم متعرفوش تتمني الرساله تكون من مين؟واية اللي
مكتوب في الرساله ؟

منك
بتفرحنى بالتآجيل
انته فاهم وانا فاهم


3-اكتر
حاجه تتمني تتحقها؟
ما ينفع اقولها على الملئ


4-في
حد من اصحابك بيزعل لزعلك؟
أكيد


5-أمتي
تحس بالعجز؟
never

6-أمتي
تبكي من قلبك؟
never did i do
وانته عارف اجابه السؤلين دول
والمحت عنهم فى المشاركه السابقه
بس علشان اكون صادق معاك بزعل من نفسى
لما احس انى قصدرت
بس ولا بوصل لاحساس العجز ولا انى ابكى من قلبى


7-موقف
فرحك ؟
كل خبر حلو سمعته لنفسى أو لحبيبى


8-لو
رجع بيك الزمن لخمس سنين ورا ايه الحاجة اللي انت عاوز تغيرها؟
كل شئ مقدر ومحسوب وحياتى راضى بيها تماما ولكن لو ترجع بيا الحياه خمس
سنين من النهارده كنت هعمل حاجه كان نفسى اعملها اوى بالظبط من خمس سنين
---وهيا مرافقه شخص غالى عليا اوى فى
فتره مرضه وما كنت لاتركه لثانيه